Tilgangur reglna þessara er að upplýsa starfsmenn Iðnskólans í Hafnarfirði um stefnu skólans, þ.e. á hvern hátt þeir eiga að umgangast tölvupóst og haga netnotkun sinni.
Reglurnar eru jafnframt hluti af öryggiskerfi Iðnskólans í Hafnarfirði og er ætlað að auka rekstraröryggi skólans. Þá er reglunum ætlað að tryggja að jafnvægi ríki annars vegar á milli hagsmuna skólans af því að geta fylgst með því að sá hug- og vélbúnaður sem skólinn leggur til sé nýttur í þágu hans og hins vegar hagsmuna starfsmanna af því að njóta eðlilegs einkalífsréttar á vinnustað.
