‘
Helmingur nemenda á lokaönn í Útstillingadeild hefur lokið við að endurskipuleggja blómaverslunina Blóm og kaffi Reykjavíkurvegi 62 og tókst verkið að mati kennara mjög vel.
Hinn helmingurinn vinnur nú í versluninni Merkt Faxafeni við samskonar endurskipulagningu og efast undirrituð ekki um góðan árangur.
Við þekkjum orðið vel til í Merkt en þar höfum við séð um útstillingar í nokkurn tíma sem lið í vinnu nemenda utan skólans. Nemendur forvinna verkefnin með tillögum og teiknivinnu og skipuleggja heimsóknir í fyrirtækin. Þessi hópvinna hefur gengið vel.
Framundan hjá útstillingadeild er síðan vinna í Verslunarmiðstöðinni Firði en það munum við sveifla okkur upp úr miðjum mars og stilla út í glugga flestra verslana. Byrjum sennilega 19. mars. undirbúningur fyrir það verk er langt komin.
Margrét deildarstjóri
Nemendur á lokaönn í útstillingum eru nú að vinna verkefni utan skólans og eru að gera góða hluti!
‘
