Málmiðnir
Deildarstjóri: Ragnar Þórisson

Nám í málmiðngreinum hefst með 4 anna sameiginlegu grunnnámi en að því loknu velja nemendur fagnám í rennismíði, vélvirkjun, blikksmíði eða stálsmíði. Fagnámið skiptist í tvennt, annars vegar bóklegt og verklegt nám í skóla og hins vegar vinnustaðanám hjá iðnmeistara. Skólinn býður fagnám í rennismíði og vélvirkjun og geta nemendur lokið því á 2 önnum. Heildarnámstími er að jafnaði 4 ár og þar af er samningsbundið vinnustaðanám hjá iðnmeistara 60 vikur. Ætlast er til að 6 mánuðir séu teknir eftir að námi í skóla lýkur. Náminu lýkur með sveinsprófi sem veitir rétt til starfa í iðninni og til inngöngu í nám til iðnmeistaraprófs.