Pétur V. Maack, fulltrúi VM-félags vélstjóra og málmtæknimanna kom færandi hendi í málmiðnadeildina í morgun.

Félagið hefur um árabil fært nemum í málmiðngreinum nýja sloppa í byrjun annar og njóta þessar gjafir mikilla vinsælda.

Pétur notað tækifærið og fræddi nemendur um mikilvægi þess að vera í stéttarfélagi og að þekkja sín réttindi á vinnumarkaði. Einnig var þeim bent á mikilvægi þess að vanda atvinnuumsóknir og gera ferilskrár. Á vef félagsins má fá nánari upplýsingar um m.a. atvinnuumsóknir, ferilskrár, kaup og kjör. http://www.vm.is/?PageID=108