Iðnmennt stendur fyrir Íslandsmóti iðnnema 2006, föstudaginn 31. mars í Kringlunni. Mennt sér um skipulagningu og framkvæmd keppninnar.

Mikilvæg skilaboð til nemenda og kennara sem koma að mótinu:

Mæting nemenda í öllum greinum nema hársnyrtingu og snyrtifræði:

kl. 09.00 á blómatorgið í miðri Kringlunni 1. hæð (Jens, Sony center ofl. )

Mæting á sama stað fyrir snyrtifræði  kl. 09.30

Mæting á sama stað fyrir hársnyrtingu er kl. 11.30

Þarna fá nemendur úthlutað gögnum fyrir keppnina ásamt helstu upplýsingum frá sínum verkstjórum.

Gert er ráð fyrir að keppnin verði svo búin í öllum greinum nema hársnyrtingu og snyrtifræði kl. 16.00

Snyrtifræði lokið kl. 15.30

Hársnyrtingu lokið kl. 17.15

Verðlaunaafhending fer fram kl. 18.00 en Valgerður Sverrisdóttir mun úthluta verðlaununum.

Íslandsmótið er ætlað iðnnemum sem eru 22 ára og yngri. Í ár verður keppt í málmsmíði, rafvirkjun, trésmíði, málun, múrverki, dúklagningu, pípulagningum, snyrtifræði og hársnyrtingu. Þeim skólum sem bjóða upp á nám í iðngreinum er að auki  boðið að vera með sýningarbása til kynningar á fleiri greinum.

Dagur iðn- og starfsmenntunar hefur það að markmiði að auka sýnileika iðn- og starfsmenntunar, bæta ímynd greinanna, kynna þær fyrir almenningi – ekki síst fyrir ungu fólki, og vekja athygli á þeim tækifærum sem felast í námi og starfi í iðngreinum. Er þetta í annað skiptið sem Iðnmennt og Mennt taka höndum saman um að kynna íslenskar iðngreinar.

Nánari upplýsingar veitir Inga Hlín Pálsdóttir hjá Mennt.